“Kənd həyatından bezmişəm”.
İki aydır ki, itkin düşdüyü hesab olunan Ağdam rayonunun Eyvazlı kənd sakini Günay Kamal qızı Abdullayeva polis əməkdaşlarının apardığı əməliyyat-axtarış tədbirləri nəticəsində tapılıb.
AZXEBER.COM ELTV-yə istinadən xəbər verir ki, bu onun birinci belə əməli deyil.
O, 4 dəfə evdən gedib, Günay Abdullayeva bildirib ki, evdən getməsinə səbəb valideynlərinin onun təhsil almaq istəyinə qarşı çıxmalarıdır. O isə artıq kənd həyatından bezib, təhsil alaraq şəhər yerində yaşamaq istəyir.
Ağdam Rayon Polis Şöbəsinin təhqiqatçısı Əziz Əzizov bildirib ki, Günay Abdullayeva barəsində 2 material, 2 axtarış işi açılıb və tapılaraq valideynlərinə qaytarılıb.
Sonuncu dəfə bu il yanvarın 9-da Rayon Polis Şöbəsinin əməkdaşları tərəfindən o, Bakı şəhərində tapılaraq, valideynlərinə təhvil verilmək üçün Ağdam Rayon Polis Şöbəsinə gətirilib.
Qeyd edək ki, Günay Abdullayeva valideynlərindən sənədlərinin verilməsini də tələb edir.
