Filippindən ABŞ-yə havaya qalxan təyyarə sərnişin salonunda tüstü aşkar edildikdən sonra kursunu dəyişmək məcburiyyətində qalıb.
AZXEBER.COM Türkiyə mediasına istinadən xəbər verir ki, bu barədə "Phil Star" qəzeti məlumat yayıb.
Paytaxt Maniladan ABŞ-nin Los-Ancelesə uçan Filippin Hava Yollarına məxsus PR102 reysinin kondisioner blokundan tüstü çıxdığı müəyyən edilib.
İçərisində 355 sərnişin və ekipaj üzvü olan təyyarə Yaponiyanın paytaxtı Tokiodakı Haneda hava limanına məcburi eniş edib.
Aviaşirkətdən verilən açıqlamada, Filippin Nəqliyyat Departamenti və Hanedadakı yerli hava limanı rəhbərliyi ilə koordinasiyada işlədiyi və təyyarədəki sərnişinlərin təhlükəsiz şəkildə təxliyyə edildiyi bildirilib.
Hadisə ilə bağlı araşdırmalar davam edir.
Oksana
