APA-nın məlumatına görə, bu barədə jurnalistlərə teatrın rəhbəri İsrafil İsrafilov məlumat verib. Teatr rəhbəri qeyd edib ki, Dövlət Dram Teatrında keçirilməsi nəzərdə tutulan müsabiqə yanvarın 5-də başlanacaq: “Komissiya işinə bayramdan sonra başlayacaq. Mən yeni ildə hər şeyin uğurlu olacağına ümid edirəm. Əminəm ki, bu islahatlar müsbət nəticəsini verəcək”. İ. İsrafilov bildirib ki, xarici ölkə rejissorları ilə yanaşı Bəxtiyar Xanızadə, Vaqif İbrahimoğlu da teatra dəvət olunub.
Direktor onu da açıqlayıb ki, bu ilin sentyabrından başlayaraq teatrın aktyorlarla vokal, plastika dərsi keçirilir: “Biz teatrımıza üç vokalçı dəvət etmişik. Bütün aktyorların vokal imkanları yoxlanılır, onlarla lazımi hazırlıq həyata keçirilir. Eyni zamanda Moskvada işləyən iki azərbaycanlı mütəxəssis aktyorlara plastika dərsi keçir. Yəni aktyorlarımızla ciddi işə başlamışıq və bu hazırlıq onlara kifayət qədər kömək edəcək”.
İ. İsrafilov mərhum Adil İsgəndərovun teatr üçün etdiklərini təkrarladığını qeyd edib: “Elə mənim
