Almaniyada illik inflyasiya göstəriciləri son 41 ilin ən yüksək səviyyəsinə çatıb.
AZXEBER.COM xəbər verir ki, Almaniyada keçən ay 5,1 % olan illik inflyasiya göstəriciləri, Rusiya-Ukrayna müharibəsi nəticəsində yüksələn neft və qaz qiymətlərinin fonunda ən yüksək səviyyəyə çataraq 7,3%-ə yüksəlib.
Almaniyanın Federal Statistika İdarəsi (Destatis) mart ayı üzrə qiymət artımları ilə bağlı aparıcı məlumatları açıqlayıb. Buna uyğun olaraq, fevral ayında 5,1 % olan illik inflyasiya mart ayında 7,3 %-ə yüksəlib.
Ölkədəki enerji qiymətləri illik bazda 29,5 %, ərzaq qiymətləri 2,8 %, xidmətlər üzrə isə 2,8 % bahalaşma müşahidə olunur.
Qeyd edək ki, Rusiya-Ukrayna müharibəsi enerji və ona aid xammal qiymətlərinin kəskin artmasına səbəb olsa da, qeyri-neft sektorundakı şirkətlər də yüksək xərclər səbəbindən yaxın 3 ayda qiymətlərini artırmağı planlaşdırır.
Ayşən
