Arıqlamaq istəyənlərin çoxu yalnız kalori hesabına diqqət yetirir. Lakin mütəxəssislər bildirirlər ki, qəbul edilən qidaların tərkibi də çəki itkisinə ciddi təsir göstərir.
Şəkər, təmizlənmiş karbohidrat və yağla zəngin, lakin zülal və lif baxımından kasad qidalar arıqlama prosesini çətinləşdirə bilər. Bu qidalar uzun müddət toxluq hissi yaratmadığı üçün daha çox kalori qəbuluna səbəb olur.
Arıqlamaq istəyənlərin məhdudlaşdırmalı olduğu 11 qida:
Kartof qızartması və çipslər
Şəkərli qazlı və şirin içkilər
Ağ çörək
Şokolad batonları və digər şirniyyatlar
Şəkərli meyvə şirələri
Tortlar, peçenye və pirojnalar
Alkoqollu içkilər (xüsusilə pivə)
Dondurma
Hazır pizza
Yüksək kalorili qəhvə içkiləri
Tərkibində əlavə şəkər çox olan məhsullar (şəkərli səhər yeməyi yarmaları, qranola batonları, aromatlaşdırılmış azyağlı yoqurtlar və s.)
Mütəxəssislər bu məhsulların əvəzinə tam taxıllı qidalar, meyvə-tərəvəz, şəkərsiz içkilər, yunan yoqurtu, qoz-fındıq və zülal-liflə zəngin qidaların seçilməsini tövsiyə edirlər. Bu qidalar daha uzun müddət toxluq hissi yaradaraq sağlam şəkildə çəki itirməyə kömək edə bilər.
/metbuat.az
