Hər il Oslo Universiteti tərəfindən təşkil edilən Beynəlxalq Yay Məktəbində bu il də 100 dən artıq ölkə və 600-ə yaxın nümayəndə iştirak edib.
AZXEBER.COM xəbər verir ki, proqram çərçivəsində müxtəlif sahələr üzrə kurslar tədris edilir.Beynəlxalq Yay Məktəbinin ənənəvi tədbirlərindən biri olaraq, bu il də Mədəniyyət Günü keçirilib. Mədəniyyət günündə ASAIF-çi Şəfəq Məmmədova və Azərbaycan Dillər Universitetinin tələbələri Azərbaycanı layiqincə təmsil ediblər.ASAIF-çilər sərgidə öz aktivliklərini nümayiş etdirərək, Azərbaycan stendinə yaxınlaşan ziyarətçilərə Azərbaycan mədəniyyəti, tarixi, mətbəxi, Dağlıq Qarabağ münaqişəsi, Xocalı Soyqırımı ilə bağlı ətraflı məlumat veriblər. Tədbirdə qonaqlara tələbələr tərəfindən Azərbaycan haqqında müxtəlif materiallar paylanıb.Mərasimdə jurnal və broşüralarla yanaşı böyük marağa səbəb olan milli mətbəx nümunələri dolma və Şəki halvası da hazırlanaraq qonaqlara təqdim edilib. 600-ə yaxın qonağın iştirak etdiyi tədbirdə qonaqlara Azərbaycan bayrağı və vətənimizin müxtəlif guşələrini təsvir edən açıqcalar da hədiyyə edilib. Tədbirin sonunda isə Azərbaycan musiqisi “Şuşanın dağları” ifa olunub.ASAIF-çilərin Beynəlxalq mədəniyyət günündə iştirakının əsas məqsədi Azərbaycan mədəniyyətini, tarixini, incəsənətini bir daha xarici auditoriyaya təqdim etmək, ölkənin zəngin irsini nümayiş etdirmək və eləcə də Azərbaycanın Qarabağ, Xocalı həqiqətlərini xarici vətəndaşlara çatdırmaq olub.
