“Azərbaycana səyahət” bölümündən növbəti reportajda çay süfrəsindən danışılır
AZXEBER.COM-un müsabiqənin rəsmi saytına istinadən verdiyi xəbərə görə, Eurovision.tv-də Azərbaycan barəsində yayımlanan silsilə reportajların növbətisi milli mədəniyyətimizin vacib məqamlarından birinə həsr edilib. Tamaşaçılar bu dəfə Azərbaycanın “Çay dəstgahı” ilə tanış olub. Eurovision Mahnı Müsabiqəsi Bakı 2012 İşçi Qrupunun təqdim etdiyi reportajda çay süfrəsinin hazırlanmasından süfrəyə verilməsinədək olan proses maraqlı və zəngin kadrlarda əksini tapıb.
