Azərbaycanda yağış gözlənilir - PROQNOZ

Ekologiya və Təbii Sərvətlər Nazirliyi Milli Hidrometeorologiya Departamentinin AZXEBER.COM-a verdiyi məlumata görə, Bakıda və Abşeron yarımadasındabuludlu hava şəraiti üstünlük təşkil edəcək. Səhər yarımadanın bəzi yerlərində zəif duman, çiskin olacaq, gecəyə doğru isə az yağış yağacağı ehtimalı var. Bakıda gecə 4-6°, gündüz 10-12° isti olacaq. Atmosfer təzyiqi 767 millimetr civə sütunundan 763 millimetr civə sütununa enəcək, nisbi rütubət gecə 80-90 faiz, gündüz 65-75 faiz olacaq. Naxçıvan Muxtar Respublikasındahava əsasən yağmursuz keçəcək. Lakin axşam bəzi yerlərdə az yağıntılı olacağı gözlənilir. Temperaturun gecə 2-7° şaxta, gündüz 7-12° isti olacağı gözlənilir. Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər,Daşkəsən, Gədəbəy rayonlarındahava əsasən yağmursuz keçəcək. Gecə və səhər bəzi yerlərdə duman, çiskin olacaq. Lakin axşam yağıntılı olacağı gözlənilir. Temperatur gecə 0-5° şaxta, gündüz 5-10° isti olacaq. Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarındahava əsasən yağmursuz keçəcək. Lakin axşam bəzi yerlərdə az yağış yağacağı ehtimalı var. Temperatur gecə 2 ° şaxtadan 3°-dək isti, gündüz 7-12° isti olacaq. Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarındahava gün ərzində əsasən yağmursuz keçəcək. Lakin gecə və səhər bəzi yerlərdə duman, çiskin olacaq. Lakin axşam yağıntılı olacağı gözlənilir. Temperatur gecə 2° şaxtadan 3°-dək isti, gündüz 7-12° isti, dağlarda gecə 2-7° şaxta, gündüz 2-7° isti olacaq. Yüksək dağlıq ərazilərdə havanın minimal temperaturunun 13-18° şaxta olacağı gözlənilir. Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarındahava əsasən yağmursuz keçəcək. Gecə və səhər bəzi yerlərdə duman, çiskin olacaq. Axşam isə yağış yağacağı ehtimalı var. Temperaturun gecə 2° şaxtadan 3°-dək isti, gündüz 8-13° isti olacağı gözlənilir. Masallı-Lənkəran-Astara-Lerik və Yardımlı rayonlarındahava əsasən yağmursuz keçəcək. Səhər bəzi yerlərdə çiskinli olacağı, axşam isə yağış yağacağı gözlənilir. Temperaturun gecə 3-6° isti, gündüz 9-13° isti, dağlarda gecə 0-5° şaxta, gündüz 5-9° isti olacağı gözlənilir.