"28 sentyabr, 2013-cü il tarixində saat 15.00-da Almaniya Akademik Mübadilə Xidmətinin (DAAD), Azərbaycan Gənclərinin Avropaya İnteqrasiyası Təşkilatının (AGAT) və İrəli İctimai Birliyinin təşkilatçılığı ilə ilk dəfə Almaniyada həyata keçirilən gənclərlə bağlı xüsusi təhsil proqramlarının təqdimat mərasimi keçirəcəkdir.
AGAT-dan AZXEBER.COM-a verilən məlumata görə, tədbirin əsas məqsədi Azərbaycan gənclərinin Almaniyada mövcud olan təhsil proqramları ilə tanış etmək və ondan faydalanmaq yolları barədə məlumat verməkdir. Tədbirdə Almaniyanın ölkəmizdəki səfiri Heidrun Tempel, gənclər təşkilatlarının nümayəndələri və tələbələr iştirak edəcəklər.
Mərasim zamanı Almaniya Akademik Mübadilə Xidmətinin, AGAT, İrəli İctimai Birliyinin, Alman Dili Tədris Mərkəzinin (SLZ) və Almaniya səfirliyinin səlahiyyətli nümayəndələri də çıxış edəcəkdir. Tədbir Kapellhaus, Alman-Azerbaycan Medeniyyet Birliyində (28 may küç. 15) keçiriləcəkdir."
