Bakıda polis mayoru ilə sevgi həyatı yaşamış xanım bir vaxtlar ona şirin görünən anlarının indi acısını çəkir. Sevgi bağları bir müddət əvvəl qırılsa da, həmin polis onun həyatını alt-üst etməklə məşğuldur. Söhbət Bakı sakini Aynurə Yusifova ilə Xəzər Rayon Polis İdarəsinin Dövlət Yol Polisi Şöbəsinin inzibati təcrübə üzrə baş inspektoru, polis mayoru Anar Qafarovdan gedir.
Criminal.az bildirir ki, A.Yusifova mayor A.Qafarovla təxminən 5 il qeyri-rəsmi münasibətdə olub. Lakin 2014-cü ildə Anarla münasibətləri soyuyub. Ayrılmaq istəsə də, Anar bunu qəbul etməyib və münasibətin bitməməsi üçün ona hədə-qorxu gəlib, uşaqlarımı oğurlatdıracağı, özünü isə öldürtdürəcəyi ilə qorxudub. Hətta üzünə kislota atıb yandıracağını da deyib.
Lakin A.Yusifova bütün təhdid və hədələrə məhəl qoymayaraq ayrılmaqda israrlı olub. Bütün hadisələr də məhz bundan sonra başlayıb. A.Qafarov şəhərin təhlükəsizlik kameralarından vasitəsilə avtomobilimin yerini müəyyən edib mütəmadi olaraq izləməyə başlayıb. Özünə məxsus "Range Rover” markalı avtomobillə yolumu kəsib, gecə saatlarında evinə zəng edərək qorxudub və sair...
Məsələ ilə bağlı A.Yusifovanın vəkili Ceyhun Yusifov Criminal.az saytına açıqlamasında A.Qafarov barədə hüquq-mühafizə orqanlarına şikayətlər olunmasına baxmayaraq, heç bir tədbir görülməməsindən şikayətləndi. Vəkilin sözlərinə görə, A.Yusifova ilə bağlı hüquq-mühafizə orqanlarına 100-dən çox şikayət olunsa da, nəticə yoxdur: ''Maraqlı nüanslardan biri ondan ibarətdir ki, Daxili İşlər Nazirliyinin rəhbərinə kimi müraciət olunsa da, bu günə qədər araşdırma aparılmayıb. Niyə? Polis əməkdaşı ictimaiyyətə, rəhbərliyinə qarşı bu qədər hörmətsiz davarana bilərmi? Görünür onun himayədarı var. Bəllidir himayədarı kimdir. Həmin şəxs Daxili İşlər Nazirliyində yüksək vəzifə tutur''.
C.Yusifov əlavə etdi ki, o adam bütün günü xanımı təhdid edir, vəzifə səlahiyyətindən istifadə edərək izləyir, ev telefonuna zəng edir, günün istənilən saatında xanımın evinin ətrafından əl çəkmir, qadağan olunmuş siqnallardan və işıqlardan istifadə edir.
''Bütün mobil operatorlardan Aynur xanımın adına olan bütün nömrələrdən çıxarış etmək səlahiyyəti əldə edib saxta yolla. Qız kimə mesaj yazır, zəng edirsə hamısını çıxardır. Lakin bununla baxlı araşdırma aparılmır. Altı daxili həhqiqat orqanı var. Bəs onlar nə işlə məşğuldular? Aynur xanımı üzünə kislota tökməklə hədələyir, döyür, avtomobili küçənin hərəkət istiqamətində saxlayaraq üstünə hücum çəkir. Anarın hərəkətlərinə görə Aynur xanımın anası reanimasiyada yatıb. Anarın məqsədi qızdan heyf çıxmaqdır. Konkret olaraq qız deyir ki, aramızda rəsmi heç nə yoxdur, uzaq dur. Bu adam isə əl çəkmir. Ən acınacaqlıdır ki qızı Daxili İşlər Nazirliyinin bir rəhbər şəxsi də qəbula çağırmadı. Əgər Daxili İşlər Nazirliyi Anarın himayədarlarının təsiri ilə araşdırma aparmaq imkanları yoxdursa və ya həmin mötəbər şəxsə hörmət olaraq araşdırma aparmaq istəmirlərsə, biz məcbur olub alternativ dövlət qurumu olan Təhsil və Səhiyyə nazirliklərinə müraciət edəcəyik. Bəlkə həmin qurumnlar Anarın işi ilə bağlı araşdırma aparırlar''-deyə vəkil vurğulayıb.
Anar Qafarov isə Criminal.az-a açıqlamasında dayısının idarə rəisi olmasını, eyni zmanda A.Yusifovanı təhdid etməsini şər-böhtan adlandırdı: ''Onlar mənə şər atır, siz də onun şər-böhtanı ilə məğulsunuz. Mən də onları məhkəməyə verəcəm. Mənə qarşı belə işlər görürlər. Vermişəm məhkəməyə. Bu gun vəkil tutub məhkəməyə verdim. Mənim şərəf və ləyaqətimə sataşırsınız. Görmürsünüz ki şər-böhtandır? Onun videolarının tarixinə baxın. Hamısı yalandır. Mən heç o adamı görmürəm. Ayıbdır, onun sozu ilə mənə zəng edirsiniz. Hörmətli prezidentimiz var, belə işlərlə məşğul olmayın. Hamımız elə bir adamla işləyirik. Avararanın sözünə inanmayın. Şikayətimi prezidentə edəcəm. Pozgun və küçə adamının söz ilə mənə zəng edirsiniz. Mənim dayım yoxdu''.
Criminal.az saytının əldə etdiyi məlumata görə, Anar Qafarovun dayısı Daxili İşlər Nazirliyinin Maliyyə-Plan İdarəsinin rəisi, polis polkovniki Səxavəddin Abdullayevdir.
