Bakıda qəribə qadağa: Qazilərə niyə kirayə ev verilmir? – AÇIQLAMA

Bakıda qəribə qadağa: Qazilərə niyə kirayə ev verilmir? – AÇIQLAMA
SOSİAL
17:54 19.11.2026
60
Sosial şəbəkələrdə kirayə mənzil elanlarında diqqətçəkən ifadələrə rast gəlinir. Belə ki, bəzi ev sahibləri elanlarında mənzilin qazilərə kirayə verilmədiyini xüsusi olaraq qeyd edirlər. Bu cür yanaşma cəmiyyətdə narazılıq doğurmaqla yanaşı, qazilərə münasibət və onların hüquqlarının qorunması məsələsini də gündəmə gətirir. 

Vətən uğrunda sağlamlığını itirmiş şəxslərə qarşı bu cür ayrı-seçkiliyin hansı səbəblərdən qaynaqlandığı müzakirə mövzusuna çevrilib. 

Mövzu ilə bağlı AZXEBER.COM-a açıqlamasında  "Azərbaycan Qiymətləndiricilər Cəmiyyəti” İctimai Birliyinin İdarə Heyətinin sədri Vüqar Oruc bildirib ki, bu cür elanların verilməsi milli-mənəvi dəyərlərə uyğun deyil:

"Qazilər Vətən uğrunda, torpaq uğrunda, işğal olunmuş ərazilərin azadlığı naminə canlarından keçən, sağlamlıqlarını təhlükə altına qoyan ölkə vətəndaşları, bizim qəhrəmanlarımızdır. Sosial mediaya bu baxımdan nəzarət edilməlidir ki, belə ifadələr işlədilməsin. Ən azı bu cür ifadələr gənclərin, gələcək nəsillərin tərbiyəsinə ciddi zərbə vura, cəmiyyətdə qarşıdurma və ictimai narazılıq yarada bilər. Eyni zamanda, Vətənə və torpağa sevgi ruhunda yetişən gənc nəsil üçün çox mənfi nümunədir. Bu baxımdan hesab edirəm ki, belə elanlara qarşı tədbirlər görülməli, onların yayılmasının qarşısı alınmalı və müvafiq monitorinqlər aparılmalıdır. 

Bir çox hallarda qazilərimiz Vətən uğrunda apardıqları mübarizə, iştirak etdikləri müharibə və hazırda düşdükləri müəyyən psixoloji durum səbəbindən kirayə mənzillərin ödənişinin vaxtında həyata keçirilməsi və ya onlara kirayə verilən əmlakın qorunması ilə bağlı ev sahibləri ilə problemlər yaşaya bilərlər. Bu, yalnız qazilərə aid deyil, digər kateqoriyadan olan vətəndaşlarla da belə hallar baş verə bilər”.

Vüqar Oruc əlavə edib ki, mənzil sahibləri bir çox hallarda təmirin qorunmasına, əmlaka zərər dəyməməsinə, ödənişlərin vaxtında edilməsinə və qonşularla münasibətlərdə həssaslığın qorunmasına daha çox diqqət yetirirlər:

"Ola bilsin ki, məhz bu səbəbdən bəzi yerlərdə yalnız ailəli şəxslərə kirayə verilməsi ilə bağlı elanlara rast gəlinir. Təbii ki, konkret ev sahibinin öz mülkiyyətində olan mənzili kimə kirayə verib-verməyəcəyini müəyyənləşdirmək hüququ var. Heç kim ona öz mənzilini kiməsə kirayə verməyi məcbur edə bilməz. Sadəcə, bu cür elanların ictimaiyyətə təqdim olunmasının ciddi problemləri var. Belə elanların yayılması cəmiyyətdə sosial ayrı-seçkilik və mənəvi məsuliyyət məsələsini gündəmə gətirir. Vətən uğrunda xidmət etmiş insanların mənzil bazarında bu cür münasibətlə qarşılaşması onların sosial adaptasiyasına və cəmiyyətə inteqrasiyasına mənfi təsir göstərə bilər. Bunu da nəzərə almaq lazımdır. Hər məsələnin iki tərəfi var və qanun çərçivəsində həllini tapmalıdır. Bunun üçün şəffaf müqavilə mexanizmləri gücləndirilməli, bütün kirayə münasibətləri qanunla tənzimlənməlidir. Kirayəçi və ev sahibi kimliyindən asılı olmayaraq, tərəflər müqavilənin şərtlərinə əməl etməlidirlər. 

Əsas problem isə ondan ibarətdir ki, ölkədə bir çox hallarda kirayə müqavilələri şifahi şəkildə, heç bir rəsmi sənəd olmadan bağlanır. Məhz bu da belə problemlərin yaranmasına səbəb olur.

Unutmaq lazım deyil ki, qazilərin cəmiyyətə inteqrasiyası yalnız dövlətin üzərinə düşən vəzifə deyil, eyni zamanda bütün cəmiyyətin, bütövlükdə ölkənin məsuliyyətidir. Bu münasibətlər qanunla tənzimlənməli, insanlara münasibətdə xüsusi ayrı-seçkilik meyarları formalaşmamalıdır. Başqa sözlə, hansısa kateqoriyadan olan şəxslərə mənzil verilməsi, digərlərinə isə verilməməsi kimi yanaşma olmamalıdır”.

Aynur Babazadə
 

 

 

 


OXŞAR XƏBƏRLƏR
ƏN SON XƏBƏRLƏR
Bakıda qəribə qadağa: Qazilərə niyə kirayə ev verilmir? – AÇIQLAMA
17:54 19.11.2026
Bakıda qəribə qadağa: Qazilərə niyə kirayə ev verilmir? – AÇIQLAMA
“Haqsızlıq insanı ağlasığmaz qərarlar verməyə məcbur edir” – Xoşqədəm Hidayətqızı Nərman Qocatürk haqqında
17:31 19.11.2026
“Haqsızlıq insanı ağlasığmaz qərarlar verməyə məcbur edir” – Xoşqədəm Hidayətqızı Nərman Qocatürk haqqında
Səbinə Seyidova: Xaricdən dezinformasiya hücumları müşahidə olunur
17:28 19.11.2026
Səbinə Seyidova: Xaricdən dezinformasiya hücumları müşahidə olunur
Azərbaycanla Vyetnam arasında ticarət dövriyyəsi artır - Daha böyük hədəflər var
17:12 19.11.2026
Azərbaycanla Vyetnam arasında ticarət dövriyyəsi artır - Daha böyük hədəflər var
Üç liderin razılaşması dünya nizamını necə dəyişəcək? – Politoloqdan AÇIQLAMA
17:11 19.11.2026
Üç liderin razılaşması dünya nizamını necə dəyişəcək? – Politoloqdan AÇIQLAMA
İlham Əliyev Vyetnama rəsmi səfərə gəlib
17:07 19.11.2026
İlham Əliyev Vyetnama rəsmi səfərə gəlib
PAŞA Bankın təşkilatçılığı ilə Azərbaycanın yerli investisiya layihələrinin maliyyələşdirilməsi imkanları müzakirə edilib
16:55 19.11.2026
PAŞA Bankın təşkilatçılığı ilə Azərbaycanın yerli investisiya layihələrinin maliyyələşdirilməsi imkanları müzakirə edilib
Novo uşaqlarda piylənmə üzrə yeni tədqiqatın nəticələrini açıqladı
16:53 19.11.2026
Novo uşaqlarda piylənmə üzrə yeni tədqiqatın nəticələrini açıqladı
Nizami Cəfərov Qocatürkün müdafiəsi üçün Prezidentə müraciət edibmiş – Məktub faciədən sonra yayıldı
16:45 19.11.2026
Nizami Cəfərov Qocatürkün müdafiəsi üçün Prezidentə müraciət edibmiş – Məktub faciədən sonra yayıldı
Astanada TÜRKPA Səhiyyə komitələri üzvlərinin 3-cü iclası keçirilib
16:33 19.11.2026
Astanada TÜRKPA Səhiyyə komitələri üzvlərinin 3-cü iclası keçirilib
“Xarici rektorlar da Elçin Babayevin təkəbbüründən narazı qalmışdı” - Fərid Şahbazlı
16:24 19.11.2026
“Xarici rektorlar da Elçin Babayevin təkəbbüründən narazı qalmışdı” - Fərid Şahbazlı
Şadlıq sarayı, hotel, restoran, mağaza... – FHN bu il daha nələri bağlayıb?
16:22 19.11.2026
Şadlıq sarayı, hotel, restoran, mağaza... – FHN bu il daha nələri bağlayıb?
Riyaziyyat dərsliklərinin ictimai müzakirəsi keçirildi
16:07 19.11.2026
Riyaziyyat dərsliklərinin ictimai müzakirəsi keçirildi
Liftin qapısı açılana qədər: bir ideyanı 30 saniyədə necə təqdim edək?
16:05 19.11.2026
Liftin qapısı açılana qədər: bir ideyanı 30 saniyədə necə təqdim edək?
Məşhur futbolçu karyerasını bitirdi
16:02 19.11.2026
Məşhur futbolçu karyerasını bitirdi
FHN məşhur mebel mağazasını bağladı: SƏBƏB
15:43 19.11.2026
FHN məşhur mebel mağazasını bağladı: SƏBƏB