Sentyabr ayında astroloji baxımdan eşq həyatında hərəkətli günlər başlayır. 11 sentyabrda Qız bürcündə baş verəcək Yeni Ayın münasibətlər və emosional mövzularda yeni başlanğıclara yol açacağı bildirilir. Bundan bir gün əvvəl – 10 sentyabrda Veneranın Əqrəb bürcünə keçməsi isə sevgi və münasibətlərdə hisslərin daha da intensivləşəcəyinə işarə edir.
Qarşıdakı günlərdə xüsusilə Qız, Balıq və Buğa bürclərinin eşq həyatında diqqətçəkən dəyişikliklər yaşana bilər. Əqrəblər üçün isə keçmiş münasibətlərlə bağlı mühüm qərarlar gündəmə gələ bilər.
Qız bürcü üçün yeni səhifə
Qız bürcləri üçün sentyabrın ortaları eşq həyatında yeni başlanğıclar vəd edir. Öz bürcündə baş verəcək Yeni Ay uzun müddətdir gözlənilən hərəkəti gətirə bilər.
Subay Qızlar heç gözləmədikləri anda yeni biri ilə tanış ola bilərlər. Sadə bir qarşılaşma qarşılıqlı marağa, uzun söhbətlərə və qısa zamanda flörtə çevrilə bilər.
Münasibətdə olan Qızlar üçün isə yeni bir eşqdən çox, mövcud münasibətdə yeni mərhələ gündəmə gələ bilər. Münasibətin gələcəyi barədə danışmaq, ciddi qərar vermək və uzun müddətdir təxirə salınan məsələləri aydınlaşdırmaq mümkün olacaq.
Balıqlar romantik sürprizlərlə qarşılaşa bilər
Qız Yeni Ayı Balıqların münasibətlər sahəsini də hərəkətə gətirə bilər. Xüsusilə münasibətinin adını müəyyənləşdirə bilməyən Balıqlar üçün bu dövr mühüm ola bilər.
Uzun müddətdir "Biz indi nəyik?” sualına cavab axtaranlar nəhayət qarşı tərəfdən konkret addım görə bilərlər. Flört münasibətə çevrilə, gözlənilməz etiraf baş verə və ya qarşı tərəfdən çoxdan gözlənilən addım gələ bilər.
Subay Balıqların da eşq həyatında canlanma ehtimalı var. Qarşılarına çıxan yeni insan əvvəlcə adi tanışlıq təsiri bağışlasa da, münasibət qısa müddətdə daha ciddi istiqamət ala bilər.
Buğaları gözlənilməz eşq gözləyir
Buğa bürcünün eşq həyatında əsas mövzu gözlənilməzlik olacaq. Yeni münasibətin haradan və necə başlayacağı əvvəlcədən bilinməyə bilər.
Buğalar gündəlik həyatlarında, iş yerində, tez-tez getdikləri bir məkanda və ya adi bir işlərini görərkən yeni biri ilə tanış ola bilərlər.
Maraqlısı isə odur ki, həmin şəxs onların əvvəlcədən müəyyənləşdirdikləri "ideal partnyor” obrazına heç uyğun gəlməyə bilər. Buna baxmayaraq, gözlənilməz xüsusiyyətlər onları cəlb edə bilər.
Beləliklə, Buğalar eşqi axtararkən deyil, öz həyatlarını yaşayarkən tapa bilərlər.
Əqrəblər keçmişi geridə qoymalıdır
Əqrəblər üçün də sevgi mövzusunda mühüm dəyişikliklər gözlənilir. 10 sentyabrda Veneranın Əqrəb bürcünə keçməsi hisslərin daha da güclənməsinə səbəb ola bilər.
Lakin yeni münasibətə başlamazdan əvvəl keçmişdən qalan məsələlərin həll edilməsi lazım gələ bilər. Keçmiş sevgili, yarımçıq qalmış münasibət, cavabsız suallar və ya "yenidən bir araya gələ bilərikmi?” düşüncəsi Əqrəblərin qarşısına çıxa bilər.
Astroloji şərhlərə görə, Əqrəb keçmişlə bağlı son qərarını verdikdən sonra həyatında yeni münasibət üçün daha çox yer aça bilər.
Qısası, sentyabrın ortaları bu dörd bürc üçün eşq həyatında dönüş nöqtəsi ola bilər. Xüsusilə Qız, Balıq və Buğaları yeni tanışlıqlar, Əqrəbləri isə keçmişlə vidalaşmaq və yeni səhifə açmaq gözləyir.
/Demokrat.az
