Yaponiyanın "Toyota" şirkəti 1,2 milyon avtomobilini geri çağırır.
Buna səbəb nəqliyyat vasitələrinin yanacaq sistemlərində texniki nasazlığın olmasıdır. Məlumata görə, bu nasazlıq avtomobilin öz-özünə dayanmasına səbəb olur. Geri çağırılan avtomobillər 2018-2019-cu il "Avalon", "Camry", "Corolla", "Tacoma", "Highlander", "Sequoia", "Tundra" və 2019-cu il "Lexus"un müxtəlif modellərini əhatə edir. Məlumata görə, texniki nasazlığın olduğu avtomobillərin hamısı ABŞ bazarında satılıb.
Lakin avtomobilllərin təkrar satış bazarında alınaraq Avropaya o cümlədən digər qitələrə gətirildiyi istisna edilmir. Bildirilib ki, şirkət avtomobilləri öz hesabına təmir edəcək. Məsələ ilə bağlı avtomobil sahibləri ilə danışıqlar aparılır.
///Publika.az
