30 aprel 2012-ci il tarixində “Eurovision 2012”-yə dəstək naminə yaradılmış “Step İn” təşəbbüs qrupunun “facebook” sosial şəbəkəsində rəsmi səhifəsinin (www.facebook.com/stepin.az) üzvlərinin sayı 20 gün ərzində 20000 nəfəri ötdü. AZXEBER.COM-un məlumatına görə, “Facebook” sosial şəbəkəsinin rəsmi statistik göstəricilərinə istinadən aldığımız məlumata görə isə səhifədə gənclərin fəallığı 8693 nəfər kimi göstərilir. Qrupun rəsmi səhifəsi gənclərlə fəal ünsiyyətdə olmaq, onların idealarını, təkliflərini dəyərləndirmək, həmçinin təşkil olunan aksiyaları gənclərin nəzərinə çatdırmaq məqsədilə yaradılmışdır. Səhifə vasitəsilə gənclərə “Eurovision 2012”-yə gənclərin dəstəyini özündə əks etdirən aksiyalar haqqında məlumat verilir, həmçinin müxtəlif müsabiqələr həyata keçirilməklə gənclərin fəallaşması və təşəbbüs göstərərək qiymətli hədiyyələrə sahib olması üçün imkan yaradılır.

Qeyd edək ki, artıq qrup səhifəsində “Step İn Live” video-çarx müsabiqəsi (https://www.facebook.com/events/169798546476490/), “Step İn Book” (https://www.facebook.com/events/212859142158473/) aksiyalarını gənclərə təqdim etmiş və sözü gedən tədbirlər gənclər tərəfindən böyük maraqla qarşılanmışdır.

“Setp In”-nin fəalı olan Fərdi Rəhimli öz fikrini bu cür izah edir:

"Step In" qrupu gənclərin gənclərin hər hansı bir aksiyada, layihədə iştirak etməyə marağını artırır və onları fəallaşdırır. Əslində qrupun təşkil etdiyi aksiyalar gəncləri “Eurovision 2012”-nin bir hissəsi olmağa, addım atmağa həvəsləndirir və əsl Azərbaycan gəncini başqa ölkələrə tanıtmağa şərait yaradır.

Məlumat üçün, "Step In!" (www.facebook.com/stepin.az) - "ESC Baku 2012" ətrafında gənclərin idealarının reallaşdırılması məqsədi ilə yaradılmış gənclərin təşəbbüs qrupudur. İdealarını reallaşdırmaq üçün sən də "Step In!" et, təşəbbüs göstər, fəal ol!