"Bu iş mənim üçün çox önəmlidir. Bütün dünya musiqiçiləri "Zəngəzur yallısı" layihəsindən danışacaq".
Bu sözləri klarnet ifaçısı Hüseyn Məhəmmədoğlu AZXEBER.COM-a üzərində çalışdığı "Zəngəzur yallısı" layihəsi ilə bağlı danışarkən deyib.
Onun sözlərinə görə Türkiyənin tanınmış klarnet ifaçılarının da yer aldığı layihə bütün dünyaya səs salacaq:
"Musiqisi mənə, aranjemanı isə Coşqun Qadaşova məxsus olan "Zəngəzur yallısı" layihəsində mənimlə yanaşı Türiyənin ustad musiqiçiləri Hüsnü Şenlendirici, Bülent Altınbaş və Serkan Çağrı da yer alacaq. Hazıda bu layihə mənə hər şeydən önəmlidir. Çünki çox böyük bir işdir. Burada həm Türkiyənin böyük musiqiçilərinin, həm də Zəngəzurun adı var. Bu layihə, üzərimizdə olan Zəngəzur yazılı geyimlər, dünyaya səs salacaq.
Mən əminəm ki, dünya musiqiçiləri bundan danışacaq. Bu həm mənim üçün, həm də Vətənim üçün çox önəmli və böyük bir layihədir. Bunu etmək mənim borcum idi, borcumu ödəmək üçün bu layihəni həyata keçirdirəm".
Aysel Hacızadə
