Prof. Dr. Şeref Demirkaya Türkiyədə 60-80 min insanın "MS” (Xroniki sinir sistemi xəstəliyi - Multipl Skleroz) xəstəsi olduğunu açıqlayıb.
AZXEBER.COM Türkiyə mediasına istinadən xəbər verir ki, o buna səbəbin D vitamini çatışmazlığı olduğunu vurğulayıb.
Demirkaya açıqlamasında qeyd edib ki:
"Bu xəstəlik qol və ayaqlarda zəifliyə, nitq və görmə pozğunluğuna səbəb olur və xəstəlik gənc yaş qrupunda daha çox rast gəlinir. Adətən 20-40 yaş arası insanlarda rast gəlinir.
Qadınlarda kişilərə nisbətən 3 dəfə daha çox rast gəlinir. Bu xəstəlik ciddi narahatlıq yaradır”.
Demirkaya insanların bu xəstəlikdən qorxduğunu və buna görə də həkimə müraciət etməkdən çəkindiklərini bildirib:
"MS-in genetik əsası və meyli var, amma genetik ötürülməsi yoxdur. Xüsusilə qadınlar bu xəstəliyin uşaqlarında görünə biləcəyindən qorxurlar. Birinci, ikinci və üçüncü dərəcəli qohumlarda MS olanda xəstəliyin riski artır. Amma bu o demək deyil ki, doğulan hər uşaqda MS olacaq. Ona görə də bu xəstəliyi olan ailələrimiz uşaqlarının da MS xəstəliyinə tutulacağından narahat olmasınlar".
Oksana
