"Bir neçə sənətçi ilə duet fikirlərimiz var, əgər ürəyimizə yatan mahnı olsa, ifa edəcəyik".
AZXEBER.COM xəbər verir ki, bu sözləri müğənni İradə İbrahimova deyib.
"İncə səhər" verilişində qonaq olan müğənni yeni layihələrindən danışıb:
"Nuranla, Ayaz Babayevlə yeni duet düşünürük, amma gərək uyğun mahnı tapılsın. Rəsul Əfəndiyevlə də duet oxumuşuq, amma hələ ki, tam hazır deyir, bəzi dəyişiklikləri edirik. İnşallah o da təqdim olunacaq. Mən hər zaman duet oxumağa razıyam. Amma tərəf müqabilimin sənəti, səsi, səhnədəki duruşu da mənim üçün çox önəmlidir.
Yaxşı bəstəkarlardan, Elçin Cəfərovdan, Tərlan Məmmədhüseynovdan, Gövhər Həsənzadədən, Vüqar Camalzadədən, Xanım İsmayılqızıdan mahnı istəyirəm. Elçin mənə iki mahnı göndərdi, "Bir bahardır"ı eşidən kimi dedim ki, bu mənim mahnımdır. Bilirəmk ki, mənim mahnım hansıdır, heç vaxt da yanılmıram. Onu oxudum, sonra digər mahnını da almaq istədim, Elçin dedi ki, artıq onu başqasına verib".
Aysel
