İsveçdə aparılan bir araşdırma döymələri olan insanların limfanın inkişaf riskinin 21% daha yüksək olduğunu ortaya qoyub.
AZXEBER.COM xarici mediaya istinadən xəbər verir ki, İsveçdə aparılan bir araşdırma bədənlərini döymə ilə bəzəyən insanlar üçün kritik bir nəticə ortaya qoyub.
Lund Universitetinin tədqiqatçıları İsveçdə 2007-2017-ci illər arasında limfa xərçəngi diaqnozu qoyulmuş 20-60 yaş arası 11905 nəfərin məlumatlarından istifadə edərək döymə və xərçəng arasındakı əlaqəni araşdırıblar.
Tədqiqatçılar müəyyən ediblər ki, döymə etdirən insanlarda limfa inkişaf riski olmayanlara nisbətən 21% daha yüksəkdir.
Tədqiqatçılar döymədə istifadə edilən mürəkkəbin tərkibində kanserogen kimyəvi maddələrin olduğunu və bu kimyəvi maddələrin döymə zamanı dəri baryerini deşərək bədənə daxil olduğunu və xərçəng riskini artırdığını bildiriblər.
Döymənin ölçüsü ilə xərçəng riski arasında heç bir əlaqə olmadığını qeyd edən tədqiqatçılar ölçüsündən asılı olmayaraq döymənin bədəndə iltihabı tezləşdirdiyini və limfa xərçəngi riskini artırdığını bildiriblər.
Araşdırmanın nəticəsi "Science Direct” saytında dərc olunub.
Ayşən
