75 saylı Yardımlı-Masallı seçki dairəsindən deputatlığa namizədliyini irəli sürən Əliməmməd Nuriyev namizədliyini geri götürüb.
AZXEBER.COM xəbər veir ki, bu barədə o özü məlumat verib.
Əliməmməd Nuriyev siyasət mümkün olanı etmək sənətidir deyərək atdığı addımı belə izah edib:
"Əziz dostlar 75 saylı seçki dairəsində seçki yarışını davam etdirməməyə qərar verdim. Siyasət mümkün olanı etmək sənətidir. Siyasət, həmçinin imkanları dəyərləndirmək sənətidir.
Hələ, müdrik Platon deyirdi ki, siyasətdə ən yaxşı bacarıq mümkün olanı düzgün müəyyənləşdirməkdir. İndiki halda mümkün olanın ən yaxşısını etdik, namizədliyimi irəli sürməklə Yardımlı və Masallının çətinliklərini diqqətə gətirdim.
Regionu diqqətdə saxlamağın vacibliyini anlatdıq. Yerli icmaların dərdi-sərini dönə-dönə anlatdıq, dinləmələrinə nail olduq. Təbii qazla təchizat problemini, meşələrin qırılmasını anlatdıq.
Təqribi hesablamalar göstərir ki, 100-dən çox ailənin yaşadığı kəndin qışı başa vurması üçün 1000-dən çox ağac qırılır. Ümumi mənzərəni artıq Siz təhlil edin..."
Qeyd edək ki, həmin dairədən deputat Musa Qasımlıdır. O yenidən namizədliyini irəli sürüb.
