Elnur Əşrəfoğlu: "Mən futboldan danışanda, Allahverdiyev şortikdə gəzirdi"
İDMAN
10:13 01.05.2011
2261
O, çalışdığı klubun uğuruna kölgə salmağa çalışan Elnur Allahverdiyevin fikirlərini əsassız sayır: “Allahverdiyev bazarda da bu haqda danışıldığını deyir. Yəqin ki, bazarda nəsə satır. Orada özü kimi insanlarla ünsiyyətdə olur ki, nə dediklərini də bilir. Ona bir məsləhətim var: danışmaqdansa, gedib futbolunu oynasın. Əgər əsl peşəkardırsa, keçmiş komandasının dalınca danışmasın”.
Əşrəfoğlu adaşının onun haqda mətbuata dediyi sözləri də cavabsız qoymayıb: “Allahverdiyev bu yaxınlarda mən barədə də nə isə danışmışdı. Səhv etmirəmsə, 1983-cü il təvəllüdlüdür. Mən isə futboldan ilk televiziya reportajımı 1993-cü ildə vermişəm. Yəni, mən futboldan danışanda, Elnur şortikdə gəzən uşaq idi”.
“Neftçi” rəsmisinin sözlərinə görə, Allahverdiyev bir neçə ay əvvəl paytaxt klubuna keçmək istəyirmiş: “Məcbur etməsin ki, ağzımızı açıb, onun haqda həqiqətləri deyək. Onun 1-2 ay əvvəl “Neftçi”nin bazasında gəlməsinin məqsədini yaxşı bilirəm. Elə etməsin ki, bütün bunları ictimaiyyətə açıqlayım”.
OXŞAR XƏBƏRLƏR
ƏN SON XƏBƏRLƏR
