AFFA-nın baş katibi Elxan Məmmədov Azərbaycan radiosu və "İdman” kanalının müştərək yayımı olan, İlkin Babanın aparıcılıq etdiyi "Extra Time” proqramında qonaq olub.
AZXEBER.COM xəbər verir ki, baş katib canlı yayımda ona və AFFA əməkdaşlarına mane olan şəxslərin olduğunu deyib:
"Tənqidlər, hətta təhqirlər də var. Bunu kimlər yaradır? Dırnaqarası jurnalistlər, dırnaqarası peşəkarlar. Futbolun yanında olan bəzi insanlar. Mən, AFFA rəhbərliyi, bəzi əməkdaşlarımız kimlərinə qane etmir. Çünki bizim fəaliyyətimiz onlara çirkin işlərini həyata keçirməyə mane olur. Mənim gedişimlə millimiz dünya və Avropa çempionatına vəsiqə qazanacaqsa, gedərəm. Bu, gülməli iddiadır”.
Baş katibin çirkin işlər dediyi məsələ çox güman son illərə qədər futbolumuzda hökm sürən oyun alqı-satqısı olub. Son illər bu məsələlərinin kökünün kəsilməsi çox güman ki, bəzi şəxsləri narahat edir. Onlar da son zamanlar AFFA rəhbərliyinə qarşı qara pr kampaniyasını genişləndirib.
