Fransada yaşayan ermənilər Gürcüstan istehsalı olan məhsulları "erməni malı" adı altında satışa çıxarıblar. Gürcüstanın patent xidməti "Qruzpatent" faktla bağlı araşdırmalara başlayıb. Gürcüstanın məşhur "Saperavi" şərabı Fransadakı supermarketlərdə bahalı erməni brendi adı altında satılırmış. Bu Ermənistanın Gürcüstan brendlərini mənimsəməklə bağlı ilk fakt deyil. Ermənistan tərəfi buna bənzər addımları əvvəl də atıb. Göstərilən konkret məlumata gəlincə isə faktı araşdıraraq tədbir görəcəyik”, - deyə "Qruzpatent"in rəhbəri İrakli Qvaladze bildirib.
Bundan başqa Fransada "erməni möpcüzəsi" adı altında isə Gürcüstan milli mətbəxinə məxsus "çurçxeli" (fındıq dənələri doğranmış üzüm suyu) satılırmış. 
Ermənilər Gürcüstan mətbəxinin məşhur nümunəsi olan "xaçapuri"ni isə "xaçaturyani" adı altında erməniləşdirərək alıcılara təqdim ediblər. Ermənistan brendləri kimi təqdim olunan məhsullar Fransanın Paris, Lion, Bordo, Strasburq və başqa iri şəhərlərində satışa çıxarılıb. Buna bənzər mənzərə ABŞ-da da müşahidə edilib. Okeanın o tayında Gürcüstanın "Borjomi" içkisi Ermənistan məhsulu kimi alıcılara təqdim edilib.

//ANS Press