"Fənərbaxça” prezidenti, iş adamı Sadettin Saran Türkiyədə narkotik vasitələrin qanunsuz dövriyyəsi ilə bağlı aparılan istintaq çərçivəsində ifadə verməyə çağırılıb.
AZXEBER.COM xəbər verir ki, bu barədə Türkiyə KİV məlumat yayıb.
Məlumata görə, S.Saranın şübhəli şəxs qismində ifadəsinin alınması planlaşdırılır. Hazırda xaricdə olduğu öyrənilən klub rəhbərinin Türkiyəyə qayıdan kimi polis müşayiəti ilə İstanbul Ədalət Sarayına gətiriləcəyi bildirilib.
Qeyd edək ki, istintaq tədbirləri çərçivəsində Sadettin Saranın evində də axtarış aparılıb.
