Bu il Azərbaycanda həddindən artıq isti hava qeydə alınmayıb.
AZXEBER.COM xəbər verir ki, bu, Fövqəladə Hallar Nazirliyinin 2019-cu ilin birinci I yarısı üzrə bağlı hesabatında qeyd edilib.
2018-ci ildə isə ölkədə bir dəfə çox isti hava şəraiti qeydə alınıb. Nə ötən il, nə də bu il istidən ölüm halı olmayıb.
Ekologiya və Təbii Sərvətlər Nazirliyinin Milli Hidrometeorologiya Departamentinin baş hidroloqu Asif Verdiyev saytımıza açıqlamasında deyib ki, bu il Azərbaycanda maksimal temperatur iyun ayında qeydə alınıb – 39.6 dərəcə.
A.Verdiyevin sözlərinə görə, ötən ilin yayında isə bu ilin müvafiq dövrü ilə müqayisədə maksimal temperatur olub:
"2018-ci il iyulunda Bakıda və Abşeron yarımadasında anomal isti hava şəraiti müşahidə edilib. Həmin gün havanın maksimal temperaturu 42.7 dərəcə isti təşkil edib ki, bu da rekord həddini, yəni mütləq maksimumu keçib".
