Gəncədə kirayədə yaşayan Türkiyə vətəndaşı vəfat edib.
Təcili və Təxirəsalınmaz Tibbi Yardım Stansiyasının verilən məlumata görə, Türkiyə Respublikasının Qars şəhərində anadan olan 1957-ci il təvəllüdlü Barhan Aslan Gəncənin N.Nərimanov prospektində kirayə qaldığı mənzildə miokard infarkt keçirərək dünyasını dəyişib.Digər bir ölüm hadisəsi isə şəhərin Zərrabi küçəsində qeydə alınıb. Küçədəki evlərdən birinin qarşısında 30 yaşlı M.Hüseynov huşsuz vəziyyətdə yolun kənarında tapılıb. Tibbi yardım üçün xəstəxanaya aparılan M.Hüseynov yolda vəfat edib.Hər iki faktla əlaqədar Gəncə şəhər Prokurorluğunda araşdırma aparılır.
