AZXEBER.COM baku.ws-ə istinadən xəbər verir ki, araşdırma Böyük Britaniyanın Birmingem Universitetinin alimləri tərəfindən aparılıb və nəticələri "Monthly Notices of the Royal Astronomical Society" jurnalında dərc olunub.
Mütəxəssislər 1987-2025-ci illər arasında BiSON teleskop şəbəkəsinin topladığı məlumatları təhlil ediblər. Araşdırma göstərib ki, Günəşin daxili titrəyişləri ilə onun səthində müşahidə olunan aktivlik arasındakı əlaqə zamanla dəyişməyə başlayıb.
Tədqiqat müəllifləri qeyd ediblər ki, Günəş yeni davranış mərhələsinə daxil ola bilər və bu dəyişikliklər onilliklər boyu davam edə bilər.
Mütəxəssislər vurğulayırlar ki, Günəş aktivliyi geomaqnit fırtınalarının yaranmasına və Yer ətrafındakı kosmik mühitə birbaşa təsir göstərir. Buna görə də Günəşdə baş verən daxili dəyişikliklərin öyrənilməsi kosmik hava proqnozlarının daha dəqiq hazırlanması baxımından mühüm əhəmiyyət daşıyır.
