"Efir mədəniyyəti başqadır, bizdə bu yoxdur. Necə olacaq bilmirəm. Deyirlər "ara oxuyan". O vaxtlar da olub. O vaxtın xanəndələri, estrada ifaçıları özfəaliyyətdən gəlib. İndi də olub. İndi amma səsi olan, olmayan klip çəkdirir, onun hesabında çıxır orataya. Bəstəkara deyir, yaxşı pul müqabilində tutan mahnı yaz. Bundan konfet düzəldib efirə verirlər, bu da düşür dəbə".
AZXEBER.COM xəbər verir ki, bu sözləri Xalq artisti Eldar Mansurov rejissor Nail Naiboğlunun yutub layihəsində deyib. Bəstəkar efirdə yayımlayan bayağı adlandırılan mahnılardan danışıb.
E.Mansurov son günlər mahnı yazmamasının səbəbini açıqlayıb:
Deyirlər niyə mahnı yazmırsan? Mənim ifaçılarım yoxdur, qalmayıb. Bəziləri dünyasını dəyişib, bəziləri yaşa dolub. Amma başqa mahnı oxuyur. 80 yaşında adam 18 yaşında olanın "dingildəyən" mahnısını oxuyur".
Bəstəkar bir çox "bayağı" mahnı ifaçılarının efirdən uzaqlaşdırılmasının əleyhinə olduğunu deyib:
"Mən onlara mahnı verərəm. Həmin müğənnilərin efirdən yığışdırılmasının əleyhinəyəm. Yaxşı ifaçıdırlar, repertuarını dəyişin. Götürün bunlara Eldar Mansurov demirəm, Cavanşir Quliyev, faiq Sücəddinov, Vaqif Gərayzadənin bəstəsini verin oxusun. Xarab etməmək şərti ilə. Televizorlardan onların ayağını kəsmək olmaz. Onlar gələcəyin ifaçılarıdır. Dünən "bayağı" dedikləriniz, bu gün Xalq artistidir".
/Axşam.az
