İnfarkt keçirən Əməkdar artist Vahid Əliyevin xəstəxanadan görüntüləri yayılıb.
AZXEBER.COM xəbər verir ki, "Təsir dairəsi"nin çəkiliş qrupu aktyorun yerləşdirildiyi tibb müəssisəsində olub, onun səhhəti ilə maraqlanıb. Əməkdar artist açıqlaması zamanı işlərinin çoxluğundan müayinəyə gedə bilmədiyini, nəticədə səhhətinin pisləşdiyini bildirib:
"Ürəyimin sancmalarından hiss edirdim. O məsələlərdə çox dərinə gedən insan deyiləm. Teatrda işlərim çoxaldı. Səhər saat 10:00-dan axşam saat 10-a kimi hər gün işləyirdim. İşləyəndə də hər fasilə yarandıqda qaçırdım siqaret çəkməyə. Özüm də hiss edirdim ki, siqaret çəkməklə ürəyimi yükləyirəm. Verilişdən evə gələndə ürəyimdə ağrı hiss etdim. Gəlinə dedim ki, dərman versin. Dərman içsəm də, gördüm ki, o xına, bu xına deyil. Yatdım. Gecə saat 2 radələri idi, ürəyim çox möhkəm ağrımağa başladı. Dərhal həyat yoldaşıma vəziyyətimin pis olduğunu söylədim".
Ətraflı videoda:
