İspaniya "La Liqa”sında futbol matçları təxirə salındıqdan sonra bir çox futbolçu özlərini və ailələrini karantinə alıb.
AzxeberSport xəbər verir ki, bu futbolçulardan biri də "Malyorka” formasını geyən hücumçu Laqo Cuniordur. 29 yaşlı hücumçu böyük bir sürprizə imza atıb. Hücumçu karantində olduğu müddətdə neçə illik sevgilisi Fabiyola Parralo Masiasa evlənmə təklifi edib.
Laqo Cuniorun sevgilisi Fabiyola Parralo Masias şəxsi "İnstaqram” hesabından unudulmaz anları paylaşıb.
Diz çökərək ilə evlənmə təklif edən Laqo Cunior bu mesajı paylaşıb: Sevgilim, ailəm və dostlarımla başqa planlarım var idi, hər şeyi başqa cür planlamışdım. Hazırda vəziyyəti bilirsən. Şərtlər məni buna məcbur etdi.
Qeyd edək ki, cütlüyün nikahdankənar bir qız övladları da var.
