Londonda üç nəfər xarici kəşfiyyat xidməti ilə əməkdaşlıqda şübhəli bilinərək həbs olunub.
Bu barədə polis orqanları məlumat yayıb.
Məlumata görə, 48, 45 və 44 yaşlı üç kişi paytaxtın qərb və mərkəzi hissələrindəki ünvanlarda saxlanılıb. Həmin ünvanlarda, eləcə də qərbi Londonda yerləşən digər bir məkanda axtarışlar davam etdirilir.
Polisin açıqlamasına görə, saxlanılan şəxslər Rusiya kəşfiyyatı ilə əməkdaşlıq edib.
Londonun Terrorçuluğa Qarşı Mübarizə İdarəsinin rəhbəri Dominik Mörfi bildirib ki, son dövrlərdə xarici kəşfiyyat qurumları tərəfindən yerli "vasitəçilərin” cəlb olunması halları artır.
"Xarici dövlətin tapşırığı ilə Britaniya ərazisində cinayət əməli törətmək üçün təklif alan hər kəs bir daha düşünməlidir. Bu cür fəaliyyətlər ciddi şəkildə araşdırılacaq və günahkar bilinənlərə qarşı ağır cəzalar tətbiq olunacaq”, - Mörfi deyib.
Hadisə ilə bağlı istintaq davam edir.
apa
