Fransanın törətdiyi cinayətlər iqtisadiyyatımıza ağır təsir edib, bu gün gənclərimiz onun nəticəsində əziyyət çəkir.
Bunu paytaxtda Bakı Təşəbbüs Qrupunun təşkilatçılığı ilə "Neokolonializm: İnsan Hüquqlarının Pozulması və Ədalətsizlik” adlı beynəlxalq konfransda Müstəqil Martinik dövlətinin təmsilçisi Kladuett Duhamel bildirib.
"Fransadan təzminat tələb etmək bizim haqqımızdır və Fransa təzminat ödəməlidir. Çünki biz bilirik ki, Fransa bu təzminatı ödəyə bilər, biz bu vəsaitlə məktəblər tikəcəyik, təhsil sistemini inkişaf etdirəcəyik”, - Müstəqil Martinik dövlətinin təmsilçisi deyib.
O bildirib ki, Fransa etdiklərinin əvəzini ödəməlidir: "Bu mümkündür, ona görə də bu gün biz burdayıq. Biz birgə fəaliyyət həyata keçirməliyik”.
Bakı Təşəbbüs Qrupunun direktoru Abbas Abbasov isə bildirib ki, əgər 2024-cü ildə keçiriləcək növbəti iclasda bu istiqamətdə hər hansı addımın atılması tələb olunarsa, Təşəbbüs Qrupu qanunauyğun şəkildə addımlar ata bilər.
///APA
