Ötən gün müğənni Alsu keçmiş əri, 47 yaşlı iş adamı Yan Abramovla bir ilə yaxın davam edən əmlak bölgüsü işini başa çatdırıb.
AZXEBER.COM Rusiya mətbuatına istinadən xəbər verir ki, bəzi məlumatlara görə, mübahisənin predmeti dəyəri 10 milyard rubldan çox olan sərvət olub.
Əmlak siyahısına Rusiyada və xaricdə dəbdəbəli evlər, avtomobillər, şirkətlərdəki səhmlər, qiymətli kağızlar və digər əhəmiyyətli investisiyalar daxil edilib.
Əvvəlcə Abramov müğənniyə təxminən 2,5 milyard rubl məbləğində təzminat təklif edib, lakin Alsu bu təklifi qəti şəkildə rədd edib.
Nəhayət, bir neçə aylıq proseslərdən sonra Alsu bütün iddia və şikayətləri tamamilə geri götürərək məsələni rəsmi şəkildə sonlandırıb.
Hüquqşünasların sözlərinə görə, keçmiş ər-arvad arasında təfərrüatları açıqlanmayan notariat qaydasında təsdiq edilmiş razılıq əldə olunub. Hər iki tərəf əməliyyatın şərtləri ilə bağlı məlumatın açıqlanmaması haqqında bənd imzalayıb.
Aysel
