Bütün dünyada 700 milyondan çox insan "Facebook" sosial şəbəkəsindən istifadə edir. Zaman keçdikcə istifadəçilərin sayını artıran və yeni-yeni rekordlar qıran dünyanın ən böyük sosial şəbəkəsi təsadüfi deyil ki, psixoloq və sosioloqların əsas araşdırma hədəfinə çevrilib. Araşdırmalar zamanı bəzi maraqlı nəticələr əldə edilib. Psixoloqların dediyinə inansaq, şəbəkədən tez-tez istifadə edənlərdə özünə inam hissi azalır. Psixoloqlar həm də bu insanlarda psixoloji problemlərin artdığını bildirir. Onlarda paxıllıq hissinin çoxaldığı, narsistliyə meyllilik kimi mənfi nöqsanların artdığı qeyd olunur. Kanadanın York universitetinin mütəxəssisləri belə nəticəyə gəlib ki, "Facebook" səhifələrini tez-tez yeniləyən insanların çoxu narsistliyə (özünəvurğunluq) meyilli olanlar, ya da özünə inam hissi olmayanlardır. Araşdırma göstərib ki, qızlar daha çox cəlbedici şəkillər yerləşdirməyə, oğlanlar isə özləri haqqında olan məlumatı daha maraqlı yazmağa çalışırlar. Ən uğurlu vaxt cümə günüdür "Facebook" səhifənizi yeniləmək üçün ən uğurlu gün Cümə günüdür. Ən uğursuz vaxt isə həftə sonudur. Sosial media şirkətlərinin apardığı araşdırmalar nəticəsində məlum olub ki, facebook səhifələrinin yenilənməsi üçün ən uğurlu vaxt cümə günü səhər saatlarıdır. Məlum olub ki, şəkillər videolardan 22 %, yazılardan isə 54% daha çox tıklanır. Bundan əlavə, günortadan əvvəl edilən yeniləmələr, sonra edilənlərdən 65 % daha çox marağa səbəb olur. "Facebook"dan çox istifadə edənlər dərslərində uğursuz olurlar Hollandiyalı psixoloqlar dərs öyrənən vaxt ərzində "Facebook"dan istifadə edən tələbələrinin dərs qiymətlərinin aşağı düşdüyünü qeydə alıb. Səhər tualetə getməmişdən əvvəl, mütləq "Facebook"a daxil olanlar 18-34 yaş arasında qızlar arasında aparılan araşdırmalar göstərib ki, onların 34 %-i səhər oyandıqda tualetə getməmişdən əvvəl, mütləq "Face"ə daxil olurlar. Araşdırmada iştirak edən insanların 39 %-i özünü "Facebook" aludəçisi kimi qələmə verib. Bundan əlavə, onların 49 %-i sevgililərinin "Face" hesabını "hak" edərək nəzarətdə saxlamağı normal qəbul edib. Bəlkə Facebook sizi daha xoşbəxt edir? İngiltərə Kompyuter Birliyi (İKB) sosial şəbəkələrdə çox vaxt keçirməyin insanları ətraf mühitdən uzaqlaşdırdığı haqda fikirlərə qarşı çıxır. İKB-nin araşdırmalarına görə, "Facebook" kimi sosial şəbəkələr insan həyatına müsbət təsir edir. Sosial şəbəkələrdən hamının-qadınların, aşağı gəlirli insanların, təhsili aşağı olanların da istifadə edə bilməsi onları daha xoşbəxt edir.
Arif Nuri
“aztibb.com” portalının baş redaktoru
