Azərbaycanda yeni tərz yaradan gənc artist NURAN uzun fasilədən sonra şəxsi mahnısını təqdim edib.
AZXEBER.COM xəbər verir ki, bunun üçün məşhur bəstəkar Kazım Can onun üçün "Özəl biri” mahnısını yazıb.
Sözügedən bəstənin sözləri Həmail, Nigara, aranjimanı Kazım Can, Dahin və Rasim Əsgərova aiddir.
Hətta mahnıda repi Kazım Can ifa edərək Nurana dəstək olub.
Klip Bakıda çəkilib, ifaçının stili yenə ön plana çıxarılıb və rejissoru Əli Zamansoydur. Layihədə gənc aktrisa Nilufər Muradlı və Pro Dance Show yer alıb.
İfaçının staylinqini yenə də Sərvər Mehtiyev edib.
Eyni zamanda, gənc aktyorlar Cavidan İsmayılov və Çingiz Əlizadə də klipdə rol alıb.
Artistin vokal müəllimliyini bu dəfə də müğənni Elçin Cəfərov öhdəsinə götürüb. Layihənin rəhbəri isə Elvin Elxandır.
Qeyd edək ki, NURAN "Çağır Məni” daxil olmaqla ümumi 4 retro mahnını yeni aranjimanda təqdim edib və böyük uğur əldə edib. Sənətçinin hər ifası trendə düşür, pleylistlərdə yer alır.
