Yay aylarında gəzinti, üzgüçülük və digər açıq hava fəaliyyətləri ilə daha aktiv həyat tərzi keçirən insanlar payızın gəlişi ilə yenidən uzun müddət masa arxasında oturmağa başlayırlar. Xüsusilə iş və dərs mövsümünün başlaması ilə hərəkətsiz həyat tərzinin gündəlik rejimə qayıtması bel və boyun ağrılarının artmasına səbəb olur.
Onurğanın ən böyük düşməni uzun müddət eyni vəziyyətdə qalmaqdır. Daha çox oturaq iş rejimi olanlar risk altındadır.
Yayda hamımız üzgüçülük və gəzinti kimi məşqlərlə bədənimizi hərəkətli saxlayırıq. Lakin məktəbin və iş həyatının başlaması ilə uzun saatlar masa arxasında oturmaq onurğa sağlamlığına mənfi təsir göstərən əsas vərdişlərdən biridir.
Buna görə mütləq məşq rutini yaratmaq lazımdır. Mütəxəssislər bildirir ki, bu cür işdə çalışanlar telefonlarında hər 15-20 dəqiqədən bir hərəkət etməyi xatırladan alarm qurmalıdırlar.
Kompüter ekranı göz səviyyəsində və təxminən 50-60 santimetr məsafədə olmalıdır. Bel dəstəyi olan və qoltuqaltılı stullardan istifadə etmək lazımdır.
Kiçik boyun hərəkətləri etmək və ya ofisdə qısa gəzintiyə çıxmaq belə onurğa sağlamlığınız üçün faydalı olacaq.
Uzun müddət idman etməyən insanların payızda birdən-birə ağır məşqlərə başlaması da düzgün deyil. Bunun əvəzinə əvvəlcə gəzinti və velosiped kimi aerobik məşqlərlə bədəni hazırlamaq, daha sonra intensiv məşqlərə keçmək tövsiyə olunur.
Mütəxəssislər gün ərzində qısa hərəkət fasilələrinin belə faydalı olduğunu bildirib. Boyun hərəkətləri, qısa gəzintilər, qolları hərəkət etdirmək və oturub-qalxma məşqləri onurğa sağlamlığının qorunmasına kömək edə bilər.
/axşam.az
