Oğuzda arvadını döyərək öldürməkdə təqsirləndirilən Vaqif Muştaqova hökm oxunub və o, 10 il 6 ay müddətə azadlıqdan məhrum edilib.
Bu barədə hökm Şəki Ağır Cinayətlər Məhkəməsində elan olunub.
Hökmə əsasən, təqsirləndirilən şəxs cəzasını ümumi rejimli cəzaçəkmə müəssisəsində çəkəcək.
Qeyd edək ki, hadisə 2021-ci ilin sentyabrın 21-də Oğuz rayonunun Böyük Söyüdlü kəndində qeydə alınıb.
Belə ki, 1958-ci təvəllüdlü V.Muştaqov şəxsi münasibətlər zəminində aralarında baş verən mübahisə zamanı həyat yoldaşı, 1957-ci il təvəllüdlü Gülgəz Muştaqovanın bədəninin müxtəlif nahiyələrinə yumruqla xəsarətlər yetirib. Nəticədə qadın almış olduğu xəsarətlərdən xəstəxanaya aparılarkən yolda ölüb.
Faktla bağlı Oğuz Rayon Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.
V.Muştaqov şübhəli şəxs qismində tutularaq istintaqa cəlb edilib.
///Report
