Türkiyənin "Yeni Şəfəq" qəzetində şok iddia yer alıb. ANS PRESS-in məlumatına görə, nəşrin bugünki sayında verilən məlumata görə, İran PKK terror təşkilatının Şamdakı bir nömrəli adamı Murad Karayılanı əvvəlcə tutub, sonra isə sərbəst buraxıb.Məlumatda bildirilir ki, PKK rəhbərliyindəki bir qrup şəxslə birlikdə Urumiya şəhərinə aparılan Karayılan terror təşkilatı ilə aparılan "alış-veriş"dən sonra buraxılıb.Xatırladaq ki, əvvəlcə İran mətbuatı PKK-nın liderlərindən biri olan Murat Karayılanın həbs olunması barədə xəbər yaymışdı. Daha sonra İran parlamentinin Xarici Siyasət və Beynəlxalq Təhlükəsizlik Komissiyasının rəhbəri Əlaəddin Burucerdi məlumatı təsdiqləmişdi. Ə. Burucerdi sonradan İhlas xəbər agentliyinə xüsusi açıqlamasında bu məlumatı verdiyini təkzib edib. Əlaəddin Burucerdi Murat Karayılanın tutulduğunu söyləmədiyini, tutulması lazım gəldiyini dediyini vurğulayıb.
