Rüstəm İbrahimbəyov nəyə görə Azərbaycan xalqına düşmən kəsilib?

Bu yaxınlarda Baş nazirin müavini Elçin Əfəndiyevlə bağlı bir məqalə yazmışdım. Yazıya səbəb son dövrlər müxalif mətbuatının yeri gəldi, gəlmədi xalq yazıçısını tənqid etməsi idi. Elçin Əfəndiyev isə bu yazılara çox sakit reaksiya vermişdi: “Xahiş edirəm, məni siyasətə, çirkin oyunlara qatmayın”. Əslində bu bütün ömrü boyu Azərbaycan üçün yaşayıb-yaradan, doğma ölkəsini sevən insanın mövqeyi idi. Ziyalı dediyimiz şəxslər məhz belə olmalıdır, özündən çox xalqnın, dövlətinin rifahını düşünməlidir. Elçin müəlllim də məhz belə şəxslərdən olduğunu bir daha sübut etdi. Elə bu səbəbdən də ona həm müxalif, həm də iqtidar yönümlü şəxslər hörmət edir, xətrini çox istəyir. Ancaq çox təəsüf ki, elə ziyalılarımız da var ki, yalnız şəxsi mənafeyini güdür, bir az çətinə düşən kimi ətrafındakı hər kəsi zərbə altına qoymağı həyat prinsipi seçir. Belə ziyalılardan biri də Rüstəm İbrahimbəyovdur. Rüstəm bəyin son zamanlar tamamilə siyasi bəyanatlar verməsi, Azərbaycan hakimiyyətini və xalqını yeri gəldi-gəlmədi tənqid, hətta təhqir etməsi bir gənc kimi məni bu haqda yazmağa vadar etdi. Əslində onun hansı maraqlara, kimlərə xidmət etdiyi ortadadır. Vətəndaşlıq mövqeyi olmayan insandan hər nə desən gözləmək olar. Rüstəm İbrahimbəyov da son vaxtlardakı çıxışlarıyla, açıqlamalarıyla dediklərimi bir daha sübut edir. Bir rejissorun tamamən siyasiləşməsi qədər çirkin bir şey ola bilməz. Xalqın hörmətini öz kinolarıyla, əsərləriylə qazanmış Rüstəm İbrahimbəyov son zamanlar bu addan sui-istifadə etməyə başlayıb. Azərbaycan xalqı hər zaman öz dəyərlərini, şəxsiyyətləri qoruyan və onu müdafiə edən xalqdır. Hətta illər öncə rejissorun düşmənimiz ermənilər haqda dedikləri fikirlərə, onlara simpatiyasını açıq şəkildə göstərməsinə də insanlarımız göz yummuşdu. Ancaq çox təəsüf ki, bu cür reaksiya Rüstəm bəyi daha da həvəsləndirib. Belə ki, o bu yaxınlarda ermənilərlə görüşməyi planlaşdıran şəxslərə açıq dəstək verərək düşmənə simpatiyasını bir daha ortaya qoydu. Bundan başqa o 2008-ci ildə Rusiya Azərbaycan xalqını aşağılayan müsahibə vermişdi. Daşnaksütyun partiyasının üzvü Roman Balayanı Bakıya dəvət edən də məhz Rüstəm İbrahimbəyov idi. O Daşnaksütyun Partiyasının ki, 1918-ci ildə Azərbaycan xalqına qarşı soyqırım həyata keçirib, onminlərlə həmyerlimizi vəhşicəsinə qətlə yetirib. Əminəm ki, Rüstəm İbrahimbəyov bunları hamıdan yaxşı bilir və dərk edir. Sadəcə xalqımıza və dövlətimizə nifrət o qədər çoxdur ki, bu məsələlər Rüstəm bəyə çox xırda görünür. Rüstəm İbrahimbəyova xatırlatmaq istərdim ki, onu bu səviyyəyə çatdıran məhz Azərbaycan xalqı, Azərbaycan insanları olub. Əmin olun ki, əgər xalq sizi qəbul etməsi idi bu gün səcdə etdiyiniz Rusiya höküməti size yaxına da buraxmazdı. Düzdür ki, hər bir yaradıcı insanın fikirləri qeyri-adi olur və onlar hər zaman özlərini kütlədən ayrı hesab edirlər. Ancaq çox təəsüf ki, Rüstəm İbrahimbəyov bu gün öz düşündüklərini deyil, ona diktə olunan şeyləri deyil. Rüstəm bəy, bir şeyə əmin olun ki, Azərbaycan xalqı, Azərbaycan gəncləri sizi siyasətçi kimi heç vaxt qəbul etməyəcək. Ona görə də sizdən rica edərdim ki, ziyalılığınıza hörmət edin, onsuzda sual altında olan adınızı daha da ləkələməyin…Hacıbəy Heydərli