Şahzadə Harri atası Kral III Çarlzın xəstəliyi ilə əlaqədar öhdəliklərini yerinə yetirmək üçün kralın yanına qayıtmağa hazır olduğunu bildirib.
AZXEBER.COM xarici mətbuata əsasən xəbər verir ki, Harri bu barədə yaxın dostları ilə söhbət zamanı danışıb.
Lakin kralın oğlunun geri qayıtmaqla bağlı istəyinə yaxşı baxmadığı məlum olub.
Məlumatlara görə atasını xəstəlik ərəfəsində ziyarət edən 39 yaşlı Harri və kral arasında münasibətlər qismən də olsa yaxşılaşıb. İngiltərəyə tək gedən Harri, atası ilə qısa görüşməsinin səbəbini isə kralın əməliyyatdan sonra dincəlməyə ehtiyacının olması ilə əlaqələndirib.
Xatırladaq ki, Şahzadə Harri və həyat yoldaşı Meqan Markl daha əvvəl kral ailəsinin bəyənmədiyi titullarından imtina edərək daha sadə vətəndaş kimi yaşamağa üstünlük verdiklərini açıqlamışdılar.
Aysel
