Şəmkir rayonunda qida zəhərlənməsi hadisəsi baş verib.
AZXEBER.COM xəbər verir ki, hadisə ilə bağlı Azərbaycan Respublikasının Qida Təhlükəsizliyi Agentliyinin (AQTA) Qazax-Tovuz regional bölməsi tərəfindən araşdırmalara başlanılıb.
AQTA-ya daxil olan məlumata əsasən, zəhərlənən şəxslərə müvafiq tibbi yardım göstərilib. Onların vəziyyəti qənaətbəxş hesab edilərək evə buraxılıblar.
Araşdırmalar zamanı hadisənin Şəmkir rayonunun Kür qəsəbəsində fəaliyyət göstərən "Narın Qala” restoranında baş verdiyi müəyyən edilib.
AQTA əməkdaşları tərəfindən restoranın fəaliyyəti müvəqqəti dayandırılıb. Hadisə yerindən nümunələr götürülərək laborator müayinələrə göndərilib.
Hazırda hadisə ilə bağlı araşdırmalar davam etdirilir.
