Rusiya və ABŞ Dağlıq Qarabağ münaqişəsinin nizamlanması üçün səyləri davam etdirəcəklər.
Rusiya və ABŞ Dağlıq Qarabağ münaqişəsinin nizamlanması üçün səyləri davam etdirəcəklər. APA-nın Dublinə ezam olunmuş əməkdaşının verdiyi məlumata görə, bu fikri Rusiyanın xarici işlər naziri Sergey Lavrov və ABŞ-ın dövlət katibi Hillari Klinton Dublində ATƏT XİN Şurasının sammitində çıxışlarında deyiblər.
Sergey Lavrov bildirib ki, Rusiya ATƏT-in Minsk Qrupunun digər həmsədrləri ilə birlikdə Dağlıq Qarabağ münaqişəsinin sülh yolu ilə nizamlanmasına yönəlmiş səyləri artıracaq: “Çünki biz münaqişənin başqa həll yolunu görmürük”.
Hillari Klinton isə çıxışında qeyd edib ki, ABŞ mövcud münaqişələrin, o cümlədən Dağlıq Qarabağ, Dnestryanı, Gürcüstandakı münaqişələrin nizamlanması istiqamətində səyləri davam etdirir.
