Türkiyəli müğənni Sertab Erener şərtlər yerinə yetirilmədiyi üçün İzmirdə baş tutması planlaşdırılan konsertini ləğv etdiyini açıqlayıb.
AZXEBER.COM Türkiyə mətbuatına istinadən xəbər verir ki, müğənni daha öncə də səhhətindəki problemləri əsas gətirərək bir neçə konsertini təxirə salmışdı.
Bununla bağlı açıqlama yayımlayan sənətçi hər kəsdən üzr istəyib:
"Hər kəsə salam, ilk növbədə, bu açıqlamanı verdiyimə görə çox üzr istəyirəm. Biletləri hələ də satışda olan 18 sentyabrda İzmirdə verəcəyim konsertimi təşkilat şirkəti lazımi şəraiti təmin edə bilmədiyi üçün ləğv etdiyimizi elan etmək istəyirəm. Onu da deyim ki, iyul ayından bəri davam edən konsert ləğvlərinin heç biri mənimlə bağlı deyil. Çünki səhhətimdəki problemlərdən başqa, konserti ləğv edib, sizi yarı yolda qoymaq 32 illik karyeramın ən böyük qorxusudur. Ona görə də bütün dinləyicilərimdən üzr istəyirəm. Tezliklə başqa konsertlərdə də görüşmək həyəcanı ilə. "Mən sizi çox sevirəm, anlayışınız üçün təşəkkür edirəm" sözlərini qeyd edib.
Aysel
