Bakıda və Abşeron yarımadasında fevralın 2-də gecə və səhər bəzi yerlərdə az qar yağacağı, hava şəraitinin gün ərzində dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentindən AZXEBER.COM-a daxil olan məlumata görə, şimal-şərq küləyi əsəcək, küləyin sürəti 7-12 m/san təşkil edəcək. Gecə və səhər yollar buz bağlayacaq. Havanın temperaturunun gecə 7-10, gündüz 0-3 dərəcə şaxta olacağı gözlənilir.
Azərbaycanın rayonlarında sabah gecə və səhər bəzi yerlərdə qar yağacağı, gündüz tədricən kəsiləcəyi, ayrı-ayrı yerlərdə duman olacağı gözlənilir. Şərq küləyi əsəcək, küləyin sürəti 5-10 m/san təşkil edəcək. Yollar buz bağlayacaq. Havanın temperaturunun gecə 6-11 dərəcə şaxta, gündüz 3 dərəcə şaxtadan 2 dərəcəyədək isti, dağlarda gecə 13-18, yüksək dağlıq ərazilərdə 20-25, gündüz 2-7 dərəcə şaxta olacağı gözlənilir.
