Xaricdə ali təhsil almaq hüququ qazanan azərbaycanlı tələbələrin ən çox üz tutduğu ölkə Böyük Britaniya olub.
Bu barədə AZXEBER.COM-un sorğusuna cavab olaraq Elm və Təhsil Nazirliyindən məlumat verilib.
Rəsmi məlumata görə, ümumilikdə 305 tələbə təhsil almaq üçün məhz Böyük Britaniyanı seçib.
İkinci yerdə Amerika Birləşmiş Ştatları (ABŞ) qərarlaşıb. ABŞ-də təhsil alacaq tələbələrin sayı 90 nəfər təşkil edib.
İlk beşlikdə Avstriya (23 nəfər), Türkiyə (19 nəfər) və Çin (17 nəfər) də yer alıb.
Ən az seçilən ölkələr isə Niderland və Finlandiya olub. Hər iki ölkədə təhsil almaq üçün cəmi 1 tələbə qəbul olunub.
Digər ölkələr üzrə göstəricilər isə belədir:
Sinqapur – 13 nəfər
İrlandiya – 9 nəfər
İtaliya – 9 nəfər
İsveçrə – 4 nəfər
Almaniya – 4 nəfər
Cənubi Koreya – 3 nəfər
İspaniya – 2 nəfər
Fəridə Əsədzadə
