Ötən gün Türkiyənin sevilən siması Sərdar Ortaçla birlikdə hazırladığı "maşapı" dinləyiciyə təqdim edən Vəfa Şərifova yeni layihəsindən danışıb.
AZXEBER.COM xəbər verir ki, "Xəzər TV"-də yayımlanan "İncə səhər" verilişinə qatılan sənətçi, layihəsinə xərclədiyi pulun miqdarını da açıqlayıb.
"Mənim illərdir arzum olub ki, Sərdar Ortaçla duet ifa edim. Çünki uşaqlıqdan sevmişəm onu. Əvvəlcə mahnı Türkiyədə hazırlandı, bizə yolladılar. Dinlədik və bəyənəmədik. Sonra bizim istedadlı DJ Roşka, mənim istədiyim kimi hazırladı, bəyəndik və oxuduq. Ümumilikdə həm mahnının ərsəyə gəlməsi, hazırlıqlar, klip çəkilişi də daxil olmaqla 50 000 manat xərcim çıxdı".
Şərifova yeni planlarından da danışıb:
"Bir gündür mahnı çıxıb, maşallah 1 milyona yaxınlaşır baxışımız. Bu adamı daha da ruhlandırır. Sərdar Ortacla bu layihə haqda çox danışıqlarımız oldu. Amma yeni işlər barədə hələ düşünməmişik. Ola bilsin ki, bu layihənin uğurlu olmasından sonra yenidən nəsə edək".
Aysel
