Azərbaycanın xalq artisti Rasim Balayev bu günlərdə gözündən əməliyyat olunacaq.
AZXEBER.COM-un xəbərinə görə, bunu Kulis.az-a açıqlamasında aktyorun özü bildirib.
Onun sözlərinə görə, Mirzə Fətəli Axundovun həyatında bəhs edən “Sübhün səfiri” filminin çəkilişləri zamanı sağ gözündə problem olduğunu hiss edib: “Əvvəl gözümün qarşısını alan tor arada çəkilirdisə, indi çəkilmir. Həmin gözüm demək olar ki, görmür. Yalnız tor görürəm. Hövsələm bir tikə olub, əhval-ruhiyyəm də pozulub. Getdim həkimə, dedi ki, əməliyyat olunmalıdır. Narahatlıq üçün əsas yoxdur. Gözümə mirvari suyu gəlib, həkim deyir on dəqiqənin içində həll olunacaq və gözlərim görəcək”.
Xalq artisti əməliyyatın gələn həftəyə planlaşdırıldığını söyləyib.
