"Sosial şəbəkədə yalan xəbər yayanda insanın əzizlərini düşünün".
AZXEBER.COM xəbər verir ki, bu sözləri Tacir Şahmalıoğlu bədii qiraətçi Natiq Dağlaroğlunu xəstəxanada ziyarət etdiyi zaman bildirib.
Müğənni, onun yalandan ölüm xəbərini yayanları tənqid edib:
"Həm əmimoğlu, həm də sənətdəki dostum Natiq Dağlaroğlunu ziyarətə gəlmişəm. Şükür Allaha ki, yüngül bir əməliyyat keçirib, hər şey yaxşıdır. Sosial şəbəkələrədə onun yalandan vəfat xəbərini yazanlara demək istəyirəm ki, ayıbdır, belə etməyin. İnsanın əzizlərini, doğmalarını düşünün. Yalan xəbərlə bir növ onun ömrünü uzatmısınız. Yaxın günlərdə xəstəxanadan çıxacaq".
Daha sonra Natiq Dağlaroğlu da ailəsinin onun ölüm xəbərini sosial şəbəkədən oxuduğunu və böyük sarsıntı keçirdiyini bildirib.
Xatırladaq ki, bir neçə gün öncə sosial şəbəkələrdə bədii qiraətçi Natiq Dağlaroğlunun ölüm xəbəri yayılmışdı.
Aysel
