Türkiyə və qonşuları tarix boyu ən böyük zəlzələlərin yaşandığı bölgələr sırasındadır.
Bəs Avropada zəlzələ riski ən yüksək olan ölkələr hansılardır? Hansı ölkələr zəlzələ zonasındadır?
AZXEBER.COM xəbər verir ki, Avropa Zəlzələ Təhlükələri və Risk Obyektləri (EFEHR) tərəfindən nəşr olunan xəritələr Avropadakı zəlzələlərin hərtərəfli qiymətləndirilməsini təmin edir.
Bunlardan biri təhlükəni göstərən "maksimum yer sürətlənməsi (PGA)” xəritəsidir. PGA zəlzələlərin təsirləri və zəlzələ təhlükəsi analizi işlərində istifadə olunur.
Avropa Aralıq dənizi Seysmik Təhlükə Modelinin (ESHM-2020) PGA xəritəsinə əsasən, Avropada zəlzələ təhlükəsi ən yüksək olan ölkələr Rumıniya, Yunanıstan, İtaliya və Albaniya ilə yanaşı, Türkiyədir. PGA dəyəri nə qədər yüksək olarsa, təhlükə bir o qədər çox olar.
Yunanıstanın İon dənizi sahili ən təhlükəli ərazilərdən biridir.
Rumıniyada paytaxt Buxarestdən Ploieştiyə qədər uzanan bölgə də PGA dəyərinin kifayət qədər yüksək olduğu və xəritədə rənginin bənövşəyi rəngə çevrildiyi bir yerdir.
Adriatik dənizinin sahilləri də zəlzələ təhlükəsi olan yerlərdən biridir. Bu təhlükəni yaşayan ölkələr Albaniya, Xorvatiya və İtaliyadır. "Çəkmə” adlanan İtaliyanın çox hissəsi də təhlükəli ərazilərdə yerləşir. Lakin PGA dəyəri Rumıniya və Türkiyə qədər yüksək deyil.
Təhlükə İspaniya və Portuqaliya sahillərində Mərakeş tərəfi ilə qarşılaşsa da, PGA reytinqi tam qırmızıya belə çatmır.
Təhlükə xəritədə göstərildiyi kimi ağdan mavi, yaşıl, sarı, narıncı, qırmızı və bənövşəyə qədər artır. Türkiyədə Egey və Aralıq dənizi sahillərində təhlükə ölçüsü bənövşəyi rəngə qədər çatır. Bu, ən yüksək təhlükəni göstərir.
Türkiyədə isə iki böyük qırılma xətti var - Şərqi Anadolu Fay Xətti və Şimali Anadolu Fay Xətti.
Xəritədə Hataydan başlayaraq Qaziantep, Kahramanmaraş, Adıyaman, Elazığ, Tunceli, Bingöl, Muş, Ərzincan, Tokat, Çorum, Bolu, Düzce, Sakarya və Kocaeliyə bir xətt diqqət çəkir. Bu xətt Türkiyədə zəlzələ riskinin ən yüksək olduğu bölgələri göstərir.
Aydın Nuri
