78 yaşlı britaniyalı aktrisa Alison Steadman 16 yaşında Liverpulda gənclər üçün dram klubunda təcavüzə məruz qaldığını açıqlayıb.
AZXEBER.COM xarici mətuata istinadən xəbər verir ki, müəllimin hücumuna məruz qaldığını bildirən aktrisa, müəllimin onu ölümlə hədələdiyini bildirib.
Steadman, ailəsinin teatra getməyə qadağa qoyacağından qorxaraq susduğunu və hadisənin həyatında uzun müddətli travma yaratdığını ifadə edib.
Hadisəni xatırlayan Steadman "Bir axşam müəllimlərdən biri məni evimə qədər ötürməyi təklif etdi. İmtina etsəm də, müəllim təkid etdi və nəhayət, razılaşdım. Lakin müəllim məni evə aparmaq əvəzinə, Sefton Parkdakı boş bir əraziyə gətirdi. Polis çağıracağımı dedikdə, müəllim heç kimin mənə inanmayacağını söylədi və hətta məni öldürməklə hədələdi. Mən bu hadisəni qabartsaydım, valideynlərim mənim dram klubuna getməyimə qadağaqoyacaqdılar. Bu hadisə mənim həyatımda uzun müddət davam edən travma yaratdı" deyə bildirib.
Aysel
