1 İyun - Uşaqların Beynəlxalq Müdafiəsi Günü olaraq artıq 64 ildir ki, dünyada qeyd olunur. 01 iyun uşaqların müdafiəsinə həsr etmək haqqında qərar BMT Baş Assambleyasında 1950-ci ildə qəbul olunub. AZXEBER.COM xəbər verir ki, dünyanın bir çox ölkələrində olduğu kimi, bu gün Azərbaycanda da müxtəlif tədbirlərləqeyd edilir.Azərbaycanda Hökümət və qeyri hökümət təşkilatları tərəfindən uşaqların müdafiə olunması və onlara qayğı göstərilməsi istiqamətində çoxsaylı işlər görülüb və görülməkdədir.
30 may tarixində AF Hoteldə “Gənclərin Həmrəyliyinə Dəstək “ İctimai Birliyi “Qan Donorları Assosiasiyası” və Binəqədi Rayon Gənclər və İdman İdarəsinin təşkilatçılığı ,McDonalds-Azərbaycan , TİMSport, Vita şirələri və gənc iş adamı Fərid Heydərlinin dəstəyi ilə 130 nəfər uşaq və yeniyetmə üçün “Bərabərlik” adlı musiqili əyləncəli tədbir keçirililmişdir.Tədbirin əsas məqsədi uşaqlara olan diqqət və qayğını təmin etməkdir. Qeyd edək ki, tədbirdə hökümət və qeyri hökümət təşkilatlarının o cümlədən beynəlxalq və yerli təşkilat rəhbərləri iştirak etmişdir. Tədbir sonrası tədbirə qatılan 130 nəfər uşaq və yeniyetmələrə həvəsləndirici hədiyyələr təqdim olunmuşdur.
